ਖਮਾਣੋਂ 22ਮਈ (ਹਰਜੀਤ ਸਿੱਧੂ) ਕੋਰੋਨਾ ਮਹਾਮਾਰੀ ਦੌਰਾਨ ਅਧਿਆਪਕਾਂ ਦੀ ਸਹਾਇਤਾ ਲਈ ਕੌਰਡੀਆ ਸੰਸਥਾਨ ਵਿਖੇ ਕੋਵਿਡ 19 ਦੌਰਾਨ ਮੁਲਾਂਕਣ ਸਬੰਧੀ ਚਿੰਤਨ ਵਿਸ਼ੇ 'ਤੇ ਇਕ ਅੰਤਰਰਾਸ਼ਟਰੀ ਵੈਬੀਨਾਰ ਦਾ ਆਯੋਜਨ ਕੀਤਾ ਗਿਆ । ਜਿਸ ਵਿਚ ਦੇਸ਼ ਵਿਦੇਸ਼ ਤੋਂ 90 ਦੇ ਕਰੀਬ ਪ੍ਰਤੀਨਿਧੀਆਂ ਨੇ ਭਾਗ ਲਿਆ । ਕੌਰਡੀਆ ਗਰੁੱਪ ਆਫ਼ ਇੰਸੀਚਿਊਟਸ ਦੇ ਟਰੱਸਟੀ ਮੈਡਮ ਉਰਮਿਲ ਵਰਮਾ ਨੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ । ਸੰਸਥਾ ਦੇ ਚੇਅਰਮੈਨ ਲਾਰਡ ਦਿਲਜੀਤ ਰਾਣਾ ਨੇ ਕਿਹਾ ਕਿ ਕੋਰੋਨਾ ਮਹਾਮਾਰੀ ਖ਼ਤਮ ਹੋਣ 'ਤੇ ਸਿੱਖਿਆ ਤਕਨੀਕਾਂ ਦਾ ਨਵਾਂ ਭੰਡਾਰ ਛੱਡ ਜਾਵੇਗੀ । ਯੂ ਕੇ ਤੋਂ ਮੁੱਖ ਸਿੱਖਿਆਵਦ ਡਾ ਲਿਨ ਹੇਅੰਸ ਨੇ ਲਾਕਡਾਊਨ ਦੌਰਾਨ ਵਿਦਿਆਰਥੀ ਮੁਲਾਂਕਣ ਸਬੰਧੀ ਆਨਲਾਈਨ ਸਾਧਨਾ ਨੂੰ ਅਪਨਾਉਣ 'ਤੇ ਜ਼ੋਰ ਦਿਤਾ । ਇੰਡੋਨੇਸ਼ੀਆ ਦੇ ਸਿੱਖਿਆ ਅਤੇ ਸੰਸਕ੍ਰਿਤੀ ਮੰਤਰਾਲੇ ਨਾਲ ਸਬੰਧਿਤ ਡਾ ਕੁਲਸੁਮ ਨੇ ਤਾਲਾਬੰਦੀ ਦੌਰਾਨ ਇੰਡੋਨੇਸ਼ੀਆ ਵਿਚ ਵਿਦਿਆਰਥੀ ਮੁਲਾਂਕਣ ਤਕਨੀਕਾਂ ਬਾਰੇ ਦੱਸਿਆ । ਯੂ ਕੇ ਦੀ ਬਰੂਨਲ ਯੂਨੀਵਰਸਿਟੀ ਨੱਕ ਸਬੰਧਿਤ ਖੋਜ ਵਿਦਿਆਰਥੀ ਮੁਹੰਮਦ ਨੇ ਕਿਹਾ ਕੇ ਕੋਵਿਡ ਦੌਰਾਨ ਵਿਦਿਆਰਥੀ ਮੋਬਾਈਲ ਰਾਹੀਂ ਪੜਨ ਤੇ ਜਿਆਦਾ ਜ਼ੋਰ ਦੇ ਰਹੇ ਹਨ । ਕੌਰਡੀਆ ਸੰਸਥਾਨ ਦੇ ਅਕਾਦਮਿਕ ਡਾਇਰੈਕਟਰ ਡਾ ਕੁਲਦੀਪ ਸਿੰਘ ਸਭ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਭਵਿੱਖ ਵਿਚ ਤਕਨੀਕ ਦਾ ਪ੍ਯੋਗ ਆਮ ਹੋ ਜਾਵੇਗਾ । ਇਸ ਵੈਬੀਨਾਰ ਦਾ ਪ੍ਬੰਧ ਡਾ ਨੂਤਨ ਸ਼ਰਮਾ , ਮੈਡਮ ਪਰਮਜੀਤ ਮਾਂਗਟ, ਸੋਹਣ ਝਾਅ ਅਤੇ ਸਤਵੀਰ ਸਿੰਘ ਵੱਲੋਂ ਕੀਤਾ ਗਿਆ।